Home Uncategorized U zhduk që 5 muaj, Policia kërkon ndihmën e qytetarëve për ta...

U zhduk që 5 muaj, Policia kërkon ndihmën e qytetarëve për ta gjetur 17-vjeçaren nga Gjakova

129
0





Sejhan (Sefedin) Nivokazi, 17-vjeçare nga fshati Skivjan i Gjakovës është raportuar nga familja se është larguar nga shtëpia me datë 04.04.2021, shkruan Gazeta Sinjali.

17-vjeçarja nga ajo ditë ende nuk është gjetur dhe për këtë policia kërkon ndihmën e qytetarëve.

Ndërkohë, Policia e Gjakovës është duke zhvilluar hetime intensive për identifikimin e lokacionit dhe gjetjen e personit në fjalë, por në lidhje me rastin kërkon ndihmën e qytetarëve për informata shtesë.

Lidhur me rastin në koordinimin me prokurorin e çështjes janë intervistuar disa persona, janë kontrolluar disa lokacione të dyshuara, por deri më tani edhe përkundër përpjekjeve maksimale nuk është gjetur viktima.





Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e viktimës të paraqitur në fotografinë e mëposhtme, të lajmërojnë Policinë në Gjakovë apo të informojë në stacionin më afërt policor./GazetaSinjali/

LEAVE A REPLY

Please enter your comment!
Please enter your name here