Home Uncategorized U fotografua në një veturë BMW, reagon për herë të parë Shpend...

U fotografua në një veturë BMW, reagon për herë të parë Shpend Ahmeti

160
0

I pari i komunës së Prishtinës, Shpend Ahmeti ka reaguar pasi një foto e tij në një veturë të shtrenjë ka qarkulluar në rrjete sociale.

Ahmeti përmes llogarisë së tij në Facebook ka thënë se fotografia ku ai shihet në një veturë BMW nuk është e tij por e një shokut nga diaspora.

“Natyrisht se nuk kam ble e as që jam pronar i ndonjë makine të tillë. Lehtë e verifikueshme. E as nuk jam mshef. Foto në Kosovë. Kemi qenë me një mik timin nga diaspora i cili është me mu në makinë dhe i cili ka ardh me votu”, ka shkruar Ahmeti.

Ai ka theksuar tutje se shpenzimet e tij si kryetar kryeqyteti janë më të ulëtat në Kosovë.

“Kam edhe kohën time të lirë që e kaloj me familje e miq. Pasuria ime është ajo që ka qenë. Shpenzimet e mia zyrtare si kryetar janë më të ultat në Kosovë. Mua më vjen mirë që standardi për mua është se nuk kam të drejtë as me hyp në makinë të dikujt, prandaj edhe e bëra këtë shpjegim. Legjitime. Shpresoj që kjo një ditë të vlej për krejt politikanët”, ka shkruar Ahmeti.

LEAVE A REPLY

Please enter your comment!
Please enter your name here