Home Uncategorized Albin Kurti kërkon sërish zgjedhje të reja

Albin Kurti kërkon sërish zgjedhje të reja

264
0

Kryetari i Lëvizjes Vetëvendosje, Albin Kurti, vazhdon të kërkojë mbajtjen e zgjedhjeve të reja.

Kurti ndërsa ka treguar se mbrëmë ka zhvilluar një takim me me drejtorin e Global Europe Progam, në kuadër të Wilson Center me bazë në ShBA, Daniel Hamilton, ka treguar se me të ka biseduar edhe për dialogun Kosovë-Serbi, thotë se dialogu duhet të jetë parimor dhe i definuar mirë, dhe se Kosova ka nevojë për rilegjitimim të institucioneve përmes zgjedhjeve të reja.

Sipas Kurtit nuk duhet të synohet medoemos një përmbyllje e shpejtë e dialogut, por shton se duhet t’i dhënë përparësi përmbajtjes, transparencës dhe gjithëpërfshirjes.

Postimi i tij:

Mbrëmë kisha një takim virtual me drejtorin e Global Europe Progam, në kuadër të Wilson Center me bazë në ShBA, z. Daniel Hamilton, dhe me dhjetëra ekspertë të ndryshëm ndërkombëtar nga Grupi Punues për Ballkanin Perëndimor në kuadër të kësaj Qendre.

I shoqëruar nga Sekretari ynë për Marrëdhënie me Jashtë, Kreshnik Ahmeti, prezantova mbi përvojën dhe sfidat e qeverisjes sonë në nivelin qendror në pranverën 2020, mbi përgatitjet tona në kuadër të qeverisjes alternative me pesë shtylla përkatëse të saj, dhe mbi rezultatet e suksesshme elektorale në Besianë e në komunën veriore të Mitrovicës që konfirmuan rritjen e madhe të VETËVENDOSJE!-s.

Situata në Ballkanin Perëndimor dhe dialogu me Serbinë ishin po ashtu ndër temat kryesore të takimit. Aty paraqita qëndrimin tonë se dialogu duhet të jetë parimor dhe i definuar mirë, se Kosova ka nevojë për rilegjitimim të institucioneve përmes zgjedhjeve të reja, kurse Serbia ka nevojë për demokratizim dhe ballafaqim me të kaluarën. Gjithashtu, theksova se nuk duhet të synohet medoemos një përmbyllje e shpejtë e dialogut, por duhet t’i japim përparësi përmbajtjes, transparencës dhe gjithëpërfshirjes.

Për ne ishte shumë e vlefshme t’i dëgjojmë mendimet dhe analizat e pjesëmarrësve mbi çështjet e shumta të diskutuara, si situata politike në ShBA, shanset e restaurimit të raportit trans-atlantik për rajonin tonë, niveli i ndikimit të Rusisë dhe Kinës në Ballkanin Perëndimor dhe masat për parandalimin dhe kufizimin e ndikimit të tyre autoritar etj.
Në fund të diskutimit, u pajtuam që ta thellojmë bashkëpunimin tonë në të ardhmen.

LEAVE A REPLY

Please enter your comment!
Please enter your name here