Home Uncategorized Kujdes! Mos e lini kurrë dezinfektuesin në veturë

Kujdes! Mos e lini kurrë dezinfektuesin në veturë

160
0

Një nga produktet më të kërkuara gjatë pandemisë është xheli antibakterial ose sanitizatori i duarve, pasi që edhe Organizata Botërore e Shëndetit rekomandon mirëmbajtjen e higjenës së mirë, për të shmangur infeksionet COVID-19.

Përbërja e xhelit të çmuar antibakterial është 60, 70 dhe madje 85% alkool etilik , si dhe një përqindje e peroksidit të hidrogjenit. Dhe për të pastruar duart tuaja kur sapuni dhe uji nuk janë në dispozicion, ky është një opsion i shkëlqyeshëm.

Për këtë arsye, është bërë më e zakonshme që njerëzit të mbajnë një shishe me xhel antibakterial kudo: në çanta, çanta shpine dhe madje edhe brenda veturës, transmeton Lajmi.net.

Por sa e sigurt është të bartësh një shishe xhel alkooli? Kjo përgjigje është dhënë nga Departamenti i Zjarrit të Western Lakes (në Shtetet e Bashkuara). Në një postim në Facebook, ata sqaruan se këto xhele me bazë alkooli nuk duhet të lihen në automjete në diell, aq më pak gjatë ditëve të verës, pasi ato mund të shkaktojnë zjarr.

Pse ndodh kjo?

Siç sqaruan zjarrfikësit, shishet e pastra “pranojnë rrezet e diellit”, ashtu si një xham zmadhues pasqyron dhe rrit nxehtësinë e rrezeve të diellit. Nëse temperatura është e lartë, madje edhe në rrezet e diellit indirekt, shishja mund të shpërthejë dhe të shkaktojë zjarr brenda sekondave. Kështu që duhet të keni kujdes dhe të shmangni ekspozimin e shisheve xhel me bazë alkooli në diell dhe nxehtësi. Jini shumë të kujdesshëm! /Lajmi.net

LEAVE A REPLY

Please enter your comment!
Please enter your name here