Home Uncategorized Tërmeti i djeshëm 6.7 ballë/ Greqi, flet 14-vjeçari shqiptar që mbeti i...

Tërmeti i djeshëm 6.7 ballë/ Greqi, flet 14-vjeçari shqiptar që mbeti i plagosur

77
0

Ditën e djeshme, ishulli i Samos-it në Greqi u tro ndit nga një tërmet 6.7 ballë.

Si pasojë e lëkundjeve të fuqishme sizmike, që shkaktuan dëmtim të banesave mbeti i pl agosur një 14-vjeçar shqiptar nga Fieri. I mituri Eriko Mane, teksa gjendet i shtruar në spitalin e fëmijëve në Athinë shprehet:

“Ju falënderoj shumë që po më dërgoni mesazhe, edhe po kërkoni zgjidhje për mua. Faleminderit shumë dhe gjithçka do shkojë mirë”.
14-vjeçari u operua në këmbë dhe gjendja e tij shëndetësore aktualisht është e mirë dhe mjekët thonë se ndodhet jashtë rrezikut për jetën.

Ndërkohë dy adoleshentë – një djalë dhe një vajzë – ndërruan jetë në ishullin grek të Samos-it, pasi mbi ta u shemb një mur. Mane u vizitua edhe nga ambasadorja shqiptare, Luela Hajdaraga.

Lexoni per termetin qe ndodhi ne Turqi

Të paktën 20 persona humbën jetën dhe 786 të tjerë u plagosën si pasojë e tërmetit 6,6 ballë që ka goditur ujërat e Seferihisar të qytetit Izmir të Turqisë, njoftoi Autoriteti i Menaxhimit të Fatkeqësive dhe Emergjencave (AFAD), transmeton Anadolu Agency (AA).

Të paktën 725 u plagosën në Izmir, ndërsa në provincat fqinje, 5 persona u plagosën në Manisa, dy në Balıkesir dhe 54 në Aydın.

Nga agjencia gjithashtu njoftuan se pas tërmetit u regjistruan të paktën 244 tronditje më të vogla pasuese, 24 prej të cilave ishtin mbi 4,0 ballë.

Operacionet e kërkim-shpëtimit kanë përfunduar në 4 ndërtesa në Izmir, ndërsa puna vazhdon në 13 të tjera.

AFAD njoftoi se tërmeti ndodhi në ora 14:51 sipas kohës lokale në një thellësi prej 16,54 kilometrash.

Më herët, guvernatori i Izmirit, Yavuz Selim Köşger, tha se tërmeti shkaktoi një mini-cunami në qarkun bregdetar Seferihisar, ku mbeti i plagosur të paktën një person.

Nga AFAD thonë se mbi 450 automjete dhe mbi 3.200 punonjës u dërguan në vendin e ngjarjes, bashkë me 20 qenë nuhatës.

Gjysmëhëna e Kuqe Turke gjithashtu dërgoi 79 punonjës, 70 vullnetarë, 17 automjete dhe 5 kuzhina të lëvizshme që kanë kapacitetin për të shërbyer mbi 25 mijë persona.

AFAD gjithashtu bëri të ditur se 960 çadra, 4.500 batanije dhe 3.672 shtretër u dërguan në rajon.

Gjithashtu u bë e ditur se ndihma emergjente prej 5 milionë lirash turke (rreth 600.000 dollarë) u dërguan në rajon nga Ministria e Familjes, Punës dhe Shërbimeve Sociale, si dhe 3 milionë lira turke (rreth 360.000 dollarë) u mundësuan nga AFAD.

AFAD njoftoi se më vonë, një tërmet tjetër 5,1 ballë goditi Detin Egje, 20 kilometra larg rrethit Kuşadası të provincës turke Aydin.

LEAVE A REPLY

Please enter your comment!
Please enter your name here