Home Uncategorized Policia gjermane tregon si erdhi tek tragjedia e dy fëmijëve nga Kosova

Policia gjermane tregon si erdhi tek tragjedia e dy fëmijëve nga Kosova

650
0

Dy vëllezër nga Komuna e Deçanit, banorë të Gjermanisë kanë humbur jeten mëngjesin e ditës së sotme pasi janë goditur nga treni, njoftojnë mediat gjermane, raporton Gazeta Express.

Sipas njoftimit të mediave gjermane, njëri nga vëllezërit është 13-vjeçar ndërsa tjetri 17-vjeçar. Familjarët e tyre e kanë konfirmuar se dy viktimat janë nga Komuna e Deçanit.

Policia e Gjermanisë në një prononcim për mediat gjermane ka treguar se si ka ndodhur ngjarja.

“Ngjarja ka ndodhur në orën 7:30 të mëngjesit. Fëmijët kanë kaluar shiritin i cili ishte i vendosur në mënyrë që të kapin një tren, por një tjetër i cili ishte në anën e kundërt ka ardh dhe i ka qelluar. Me rastin tani po merren Policia”, tha oficeri i Policisë që është në vendin e ngjarjes.

Drejtuesi i trenit donte të fillonte një frenim emergjence, por ishte tepër vonë, tha zëdhënësi i policisë. Dëshmitarë të shumtë okularë, përfshirë disa studentë të shkollës së mesme, vëzhguan rastin.

Ndaj këtij rasti tragjik ka reaguar edhe ministrja e Jashtme dhe Diasporës, Meliza Haradinaj-Stublla, e cila përmes një postimi në Facebook tha se janë në kontakt me autoritetet gjermane dhe po presin sqarimin e kësaj tragjedie.

“Me rastin e tragjike të personave B.A dhe H.A (13 dhe 17 vjeçar) në Gjermani, Ministria e Punëve të Jashtme dhe Diasporës e Republikës së Kosovës shpreh ngushëllimet më të sinqerta për prindërit e familjarët, si dhe qytetarët e Deçanit dhe Kosovës. Ambasada e Kosovës në Berlin dhe Konsullata e Përgjithshme në Bavari janë në kontakt me autoritetet gjermane për t’u sqaruar kete rast te rëndë. Jeta jashtë vendlindjes në këto rrethana din të jetë shumë e rëndë, dhe jemi duke bërë çdo gjë që familjes t’u gjindemi pranë në këto çaste të vështira”, ka shkruar Haradinaj.

LEAVE A REPLY

Please enter your comment!
Please enter your name here